Манижа Сангин, овозхони зодаи Тоҷикистон, ки дар озмуни "Евровидение" аз Русия намояндагӣ мекунад, ба даври ниҳоии озмун роҳ ёфт. Шаҳри соҳилии Роттердами Ҳолланд рӯзи 22-юми май даҳҳо овозхони беҳтарини озмунро дар муқобили ҳам қарор медиҳад. Манижа бо таронаи "Russian Woman" барои бурдани ҷоизаи аввал рақобат хоҳад кард. Ӯ рӯзи 19-уми май дар мусоҳибаи ихтисосӣ бо Радиои Озодӣ дар бораи эҳсосоташ аз озмун нақл кард.