Дар Маскав нерӯҳои амниятӣ дар хостел ё маҳалли хоби муҳоҷирон шабона рейд гузаронидаанд. Дар амалиёти навбатӣ Кумитаи тафтишотӣ, ОМОН ё нерӯҳои пулисро ҷалб кардааст.
Навори амалиёти шабона дар ҷойи хоби муҳоҷиронро рӯзи 29-уми сентябр "Росгвардия" нашр кардааст. Нерӯҳои амниятӣ бо ниқоб ва дастчӯби оҳанин ё "дубинка" вориди ҳуҷраҳое шуданд, ки муҳоҷирон он ҷо хоб буданд. Дар навор дида мешавад, ки бошандагони хостелро берун бароварданд.
Бино ба иттилои Кумитаи тафтишотӣ зимни ин санҷиш ҳудуди 1000 шаҳрванди хориҷиро тафтиш карда, 80 нафар барои нақзи қоидаҳои муҳоҷират боздошт шудаанд.
30 нафарро барои дар қайди ҳарбӣ гузоштан ба комиссариатҳои ҳарбӣ фиристодаанд.